jump to navigation

ઉંદર…મૂષક… સપ્ટેમ્બર 14, 2007

Posted by ઊર્મિ in સર્જનક્રિયા.
trackback

સૌ મિત્રોને સહિયારું સર્જન તરફથી ગણેશચતુર્થીની હાર્દિક શુભકામનાઓ… શ્રી ગણપતિ બાપ્પા આપ સૌના વિઘ્નો હંમેશા દૂર કરતા રહે એવી શુભેચ્છાઓ!

આજે ગણેશચતુર્થી હોય અને આપણે આપણા વિઘ્નહર્તા ભગવાન શ્રી ગણેશજીને યાદ ન કરીએ તે કેમ ચાલે?  પણ આજે આપણે એમના કરતાં વધારે એમનાં પ્રિય વાહન મૂષક મહારાજને યાદ કરીએ…  હા, ઉંદરભાઇને સ્તો! 🙂 

intro_ganesha.gif

આજનો વિષય રાખીએ… ઉંદર!   હવે તમને જરૂર પ્રશ્ન થશે કે આ ભાઇ આ ઉંદર પર હવે શું લખવું?  વાર્તા કહું તો આપણને પેલી ‘ઉંદર સાત પૂછડીયો’ વાળી વાર્તા તરત જ યાદ આવે… પરંતુ ઉંદર પર વળી કવિતા લખાય ખરી??   મિત્રો, તમને ખબર જ હશે કે આપણા બાળગીતોમાં તો દરેક પ્રાણીઓ વિશે કાવ્યો આવે છે, તો આપણા ઉંદરભાઇ કેમ બાકી રહે?!… (પણ મને હમણાં એકે ય યાદ નથી આવતું હોં!   જો તમને યાદ આવે તો અહીં જરૂર જણાવજો.)  હા, વિષય જરૂર અઘરો છે પણ આજે તો વિઘ્નહર્તા પ્રભુ આપણને જરૂર મદદ કરશે જ… હા, તમારે થોડા લાડુ પ્રસાદમાં વધારે ચઢાવવા પડશે… ખાવા નહીં, ચઢાવવા પડશે !!  😀

આપણાં એક સુરતી કવિમિત્ર વિવેકે… અરે, આપણાં વિવેક ટેલર નહીં હોં… બીજા સુરતી કવિમિત્ર શ્રી વિવેક કાણે ‘સહજ’એ ‘ઉંદરડા’ શબ્દને રદીફ તરીકે લઈ ખૂબ જ મજાની ગઝલ લખી છે… લ્યો, જુઓ… (હવે અહીં સુરતનો કમાલ છે કે પછી કવિનાં નામનો કમાલ છે એ તો તમે જ વાંચીને નક્કી કરજો હોં મિત્રો! 🙂 )

ગમે તો ઠીક, અને ના ગમે તો તારા ભોગ
આ જિંદગી એ ફરજીયાત હોડ ઉંદરડા.

આખી ગઝલ અહીં લયસ્તરો પર વાંચો

તો ચાલો મિત્રો, આજે આપણે ઉંદરભાઇને આપણી કવિતામાં જ દોડાદોડી કરાવીએ… કોઇપણ કાવ્યપ્રકાર લઇને…

* * *

Advertisements

ટિપ્પણીઓ»

1. jjkishor - સપ્ટેમ્બર 14, 2007

જ્ઞાનદેવતા !
કરુ આપની દિવસ-રાત
હું સેવા.

અઢળક જ્ઞાન
પછી જે લાધ્યું
એના
મને સાંપડ્યા મેવા.

કોઈ કહે
આ કૃપા આપની કેવી !
કોઈ કહે કે
જ્ઞાનસાગરા દેવ તણી
આશીષો લેવી.

હું તો જાણું ફકત એટલું :
આપ લગી પહોંચું હું
જેને લીધે,
આપ કૃપા હું પામું
જે વીધવીધે,
એ સૌ કૃપા આપના વાહન
મુષકજીની !
મારો જ્ઞાનખજાનો પામ્યો હું જે
તેનો યશ સઘળો દઉં એને-
આપના મુષકજીને !!

હે, મારા જ્ઞાનદેવ !
હે આરાધ્યદેવ !
એક જગાએ બેસી રહેતા,
અદોદળા અહેસાનદેવ !
હે કોમ્પ્યુટરદેવ !!
============
[શીઘ્ર-સર્જન હોઈ ભુલચુક લેવી-દેવી]

2. shivshiva - સપ્ટેમ્બર 14, 2007

ગણપતિ બાપ્પા મોરિયા
ઘીમાં લાડુ ચોળિયા
લાડુ લાગે મીઠા
ઉંદર મામા દીઠા.

ઉંદરમામા ચૂં ચૂં
સામે ઊભો હું છું.

બાળ જોડકણા છે. મારું સર્જન નથી.

દુર્વા, જાસુદ
તુજને વ્હાલાં
મુષક છે વાહન
મંદાર પુષ્પ
તુજ અર્પણ

નીલા

3. સુરેશ - સપ્ટેમ્બર 17, 2007

બીલ્લી વાઘ તણી માસી,
જોઈને ઉંદર જાય નાસી.

4. dinesh patel, atlanta - સપ્ટેમ્બર 18, 2007

કોણ તુજને છેડતો કે છોડતો ઉંદર હવે
કેમ આ રીતે ભટકતો દરબદર ઉંદર હવે
આસપાસે વેદના ગૂંથેલ છે મારી બધે
જાળને ચોમેરથી કાપી જજે ઉંદર હવે
આવવા મારા ગણેશે પાદ પણ માંડ્યા નથી
તું જ તારી પીઠ પર લૈ આવજે ઉંદર હવે
ચોપડીનું એક આ પાનું હવે બગડી ગયું
લૈ જજે શબ્દો બધા તું કાતરી ઉંદર હવે
કે અહીં ઓથાર મનમાં છે નથી દેખાવનો
તું નીકળ ને બ્હાર આવી જાવને ઉંદર હવે

5. મુશક « ગદ્યસુર - સપ્ટેમ્બર 19, 2007

[…] ભાશામાં હવે વધારે પ્રચલીત છે. ઉર્મીએ  ‘ સર્જન સહીયારું ‘   પર કવીતા લખવા ઈજન આપ્યું, પણ હવે મને […]

6. Pragnaju Prafull Vyas - સપ્ટેમ્બર 21, 2007

બાળવિહારની ધૂનનો
આધુનિક અભિગમ
સમુહમાં ગાવાથી
માઉસનુ જ્ઞાન થશે
ગજાનન હો ગજવદના
મુષક વાહન ગજાનન
ગતિ-મતિદાતા ગજાનન
ગતિ બોલરોલ્સની ગજાનન
ગતિ કરે રોલરની ગજાનન
ગીઅર એક્સ-વાઈ ગજાનન
ચક્રવાકી તેજ ફેંકતીગજાનન
ઝીલતું તે દ્વી-સેંસર ગજાનન
માહીત કોમપ્યુટર ગજાનન
આ ગતિ મુષકની ગજાનન


પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: