ત્રણ શબ્દો: લય, સ્તર/સ્તરો અથવા લયસ્તરો ડિસેમ્બર 12, 2006
Posted by ઊર્મિ in સર્જનક્રિયા.trackback
મિત્રો, હમણાં જ ચોથી ડિસેમ્બરે લયસ્તરોને બે વર્ષ પૂરાં થયા… લયસ્તરોને ખુબ ખુબ અભિનંદન! મારા માનવા પ્રમાણે, આપણા આ ગુજરાતી બ્લોગ જગતમાં લયસ્તરોનું સ્થાન ખરેખર અનોખું છે.
વળી, બે વર્ષનાં બાળકને આપણે કોઇને કોઇ ભેટ તો આપવી જ પડે ને?!!! તો લયસ્તરોને ભેટરૂપે આજનાં વિષયના આ ત્રણ શબ્દો: લય, સ્તર/સ્તરો અથવા લયસ્તરો !!
તો આ બે શબ્દો (લય અને સ્તર/સ્તરો) અથવા એક શબ્દનો (લયસ્તરો) ઉપયોગ કરી તમે કોઇ પણ રચનાઓ બનાવી શકો છો… શેર, મુક્તક, હાઇકુ, મુક્તપંચિકા, કાવ્ય/ગઝલ, કે કંઇ પણ…
અહીં પ્રસ્તુત છે લયસ્તરોને બીજા જન્મદિવસ પર શુભેચ્છારૂપે પાઠવેલી મારી એક મુક્તપંચિકા…
અભિનંદન,
ઓ બે વર્ષનાં
બાળક! નામ એવા
જ ગુણ તારા
છે, લયસ્તરો!
તો ચાલો, આપ સૌ પણ લખવા માટે તૈયાર છો ને?!!
સહિયારું સર્જન - પદ્ય 
ખુબ ખુબ અભિનંદન,
મા ના જેવું સ્તર છે જેનુ નામ તેનું માસ્તર,
લય જેને ઢાળ્યા સ્તરમાં,તેનું નામ છે લયસ્તર.
પેદા થયું મજૂરી કરવા,નામ છે તેનું માસ્તર,
આ મજરીને લયમાંઢાળે,નામ છે તેનું લયસ્તર.
બાર માસની ઋતુઓના બની ગયા છે છ સ્તર,
બધા રંગો ભેગા કરીને,સાતમી ઋતુ લયસ્તર.
આવડી અમથી અવનિ મહી,દીઠાં ત્રણ ત્રણ સ્તર,
આખાબ્ર્હ્માંડને એક સ્તરમાં ભાળે,તે છે લયસ્તર.
સહકાર જો
મલે સહુનો,
પ્રગતિના શિખર
જોવા મલશે-
લયસ્તરોમાં!
~ચીમન પટેલ ‘ચમન’
પ્રભુની કૃપા
રહે સદાય
લયસ્તરો મેળવે
નવા પ્રગતિ
કેરાં શિખર
નીલા
વિસ્તરતુ રહે સદા સ્તર તારુ લય સ્તર
વિશ્વ સમગ્ર ચાહે ઉચ્ચ તારુ લય સ્તર
ઉભરતા સુરેશ વિચારો પામે લય સ્તર
ધવલ વિવેક જોડી સેવે સંગે લય સ્તર
ત્રણમાંનો એક પણ શબ્દ વાપર્યો નથી પણ લય સ્તરો તો છે . ચાલશે?
લખું છું હું થોડું, પણ વાંચું વધુ છું.
યતનથી એ વાંચેલું માણી શકું છું.
સ્તવન, ગીત, ગઝલો, અછાંદસ ને હાઇકૂ
રોજેક કવિતા હું પીરસી શકું છું.
મારે અહીં કહેવું હોય તોય શું કહું?
આભાર, મિત્રો…
[…] સર્જનક્રિયાની આગળની પોસ્ટ: ત્રણ શબ્દો: લય, સ્તર/સ્તરો અથવા લયસ્તર… […]