jump to navigation

‘મારી ભીતર’… શું ભર્યું છે? November 12, 2006

Posted by ઊર્મિ in સર્જનક્રિયા.
trackback

આજનો આપણો વિષય છે:  ‘મારી ભીતર’
આપણે આપણી ભીતર શું શું ભર્યું છે, એનું વર્ણન કરવાનું છે.
આપ સૌ આજ કાફિયા સાથે કે આ કાફિયા વિના પણ લખી શકો છો… ગઝલ, મુક્તક, શેર, વિ. કોઇ પણ રચનાઓ…

આ વિષયનો પ્રેરણાસ્ત્રોત છે આપણા મિત્ર ડૉ. વિવેકભાઇ ટેલરની ‘મારી ભીતર’ કાફિયાની એક ગઝલ… જે મને ગમતી એમની ઘણી ગઝલોમાંની એક છે.

એક ઘેરો રંગ છે મારી ભીતર,
મૌન છે પણ તંગ છે મારી ભીતર.

હોઠ ખૂલવાનું નહીં શીખ્યાં કદી,
જીભ પણ બેઢંગ છે મારી ભીતર.

એમની આખી ગઝલ અહીં વાંચો.

તો ચાલો, આપણે પણ શોધ કરીએ… કે શું શું ભર્યું છે આપણી ભીતર?? 
અને પછી ભીતરથી જે પણ કંઇક મળી જાય એને શબ્દોમાં ઢાળીએ…

* * *

Comments»

1. vijayshah - November 13, 2006

મારી ભીતર

કેવુ સર્જ્યુ છે સર્જનહારે હ્રદય મારી ભીતર
કે થયુ ભંગ હજાર વાર છતા સદા શીતલ.

વાત સાવ નાની જ્યારે જન્મે મારી ભીતર
પ્રણયનાં ધબકારે થઇ જાય આકળ વિકળ

આમ તો મીણ જેવુ પોચુ હૈયુ મારી ભીતર
સંકટ સમયે પહેરે રાણા પ્રતાપનુ બખ્તર

જગાડો ના ઉત્પાતોના ભયો મારી ભીતર
છે હિમાલય જેવુ મજ્બુત મારુ જીગર
– વિજય શાહ

2. UrmiSaagar - November 13, 2006

શેં કહું? મેં શું ભર્યું છે, મારી ભીતર?
ઊર્મિનું એક આસમાન છે મારી ભીતર.

એટલે જ કોઇ બંધન જેવું લાગ્યું નહીં
નાગપાશ સમ સંબંધ છે મારી ભીતર.

જોયું હતું અમે પણ જે કનૈયાના મુખમાં,
બસ એજ બ્રભાંડ ભર્યું છે મારી ભીતર.

રખે કરે નગ્ન કો’ દુ:શાસન મુજ ઊર્મિને,
દ્રૌપદીનાં ચીર ભર્યા છે મારી ભીતર.

થોડી અડબંગ જરૂર છે મુજ ઊર્મિઓ,
પણ થોડો વિવેક ભર્યો છે મારી ભીતર.

ક્યાંથી આવતો શબ્દોનો આ પ્રકાશપુંજ?
એમ તો અંધકાર ભર્યો છે મારી ભીતર!

બહાર છો ભાસ્યા કરે ઓટ ઊર્મિઓની,
આ જુઓ, સાગર ભર્યો છે મારી ભીતર.

-ઊર્મિસાગર

આપણા નેટ-ગુરુ મિત્ર વિવેકભાઇને સસ્નેહ અર્પણ!!!

3. મારી ભીતર -ઊર્મિસાગર « ઊર્મિનો સાગર - November 13, 2006

[…] ‘મારી ભીતર’ વિષયની પોસ્ટ જુઓ સહિયારું સર્જન પર… […]

4. vijayshah - November 15, 2006

એવું તો શું હશે,મારી ભીતર,
આનંદનો મુકામ્ કાયમ રહે,
અજોડ કવચ છે,મારી ભીતર,
નિજાનંદની મસ્તી કાયમ રહે
સુરેશ બક્ષી.
baxisuresh@yahoo.com.

5. Kiritkumar G. Bhakta - November 16, 2006

જોઈને વહેતું ઝરણું,ભાઈચારાનું,
ઉમટે છે નફરતનું તોફાન,મારી ભીતર,
જોઈને પ્રેમ પતંગિયા ને પુષ્પનો,
થાય છે લડાઈની લાગણી,મારી ભીતર,
ભુંસી નાખવી છે સરહદો,આ વિશ્વની,
થાય એવા રાજાની ભાવના,મારીભીતર,
આપવી છે સજા ગુનો,વ્યભિચારનો,
દેવી ફાંસી ફુલને એવો ન્યાય,મારી ભીતર,
માગે ભીખ જગ આખું મારી પાસે,
એવી બાદશાહીના વિચાર,મારી ભીતર,
ડરાવ્યું છે જગ આખાને,થકી કર્મો મારાં,
ભીતિ મારા જ પડછાયાની,મારી ભીતર.

6. Jignasa - November 18, 2006

વાદળ ગરજે, વીજળી ચમકે, ચોમેર ઘનઘોર ઘટા છે
બહાર ન જોશો, તાંડવ ઊઠયું છે મારી ભીતરમાં

સાત રંગનાં મેઘધનુષથી સંધ્યા એવી ખીલી છે
કૌતુક એવું, બાળક જેવું,અનુભવ્યું મારી ભીતરમાં

દુઃખ ન દેવું, પાપ ન કરવું, અન્યાયની સામે છે લડવું
વિચારો એવા, ક્રાંતિ જેવા, ઊઠે જ્વાળાઓ મારી ભીતરમાં

7. વિવેક - November 18, 2006

હોવાપણું એથી વધુ શું નીકળે ?
એક બુંદ બીજા બુંદમાં જઈને ભળે;
છું બ્રહ્મ તો પણ, બ્રહ્મા છું, બ્રહ્માંડ પણ,
શું શું નથી મારી ભીતર, કોણ એ કળે ?

8. mahendra hathi - November 19, 2006

i have sent one rachana.it didnt appear here.

9. surekha parikh - November 20, 2006

can you pleas cacel my email id?

10. vijayshah - November 20, 2006

મારી ભીતર
બહાર નજર કરીને થાકી
શુઁ ભર્યુ છે મારી ભીતર
જગમાઁ ઢુઁઢુઁ ના જણાયો
કોણ સમાયુઁ મારી ભીતર
આવ સહેલી કહુઁ કાનમાઁ
સાહેબો ભરાણો મારી ભીતર
પ્રવિણા કડકીયા

11. Amit pisavadiya - November 26, 2006

મારી ભીતર
સાગર ઘુઘવાટ
તું સાંભળીશ ?

મારી ભીતર
અનેક રંગો છુપ્યા
માંગો તે આપુ.

12. સંકલિત: ‘મારી ભીતર’ « સહિયારું સર્જન - January 13, 2007

[…] સર્જનક્રિયાની આગળની પોસ્ટ:   ‘મારી ભીતર’ […]


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: