સહિયારું ગીત: કરીએ સર્જન સહિયારું September 2, 2007
Posted by ઊર્મિ in ગીત.trackback
~ કરીએ સર્જન સહિયારું ~
થોડું તારું, થોડું મારું કરીએ સર્જન સહિયારું,
આમ અલગ ને આમ અડોઅડ ભમીએ વનવન સહિયારું.
શબ્દોની લ્હાણી કરીએ તો મળે કાવ્યના નજરાણાં,
શબ્દો શબ્દો પંક્તિ પંક્તિ, થાશે સર્જન સહિયારું.
દે ચપટી અલ્લાહ તું તારો, લે થોડો મારો તું ઈશ્વર,
થોડી-થોડી બંદગી કરીએ, થોડું કીર્તન સહિયારું.
તબલાંનું તક્-ધિન્ છે કોઈ, કોઈ સિતારના તાર અલગ,
તાલ, સૂર ને રાગ અલગ છે પણ છે ગુંજન સહિયારું.
એક બાગના છોડ અલગ છે, છોડ છોડ પર ફૂલ અલગ,
એક છે ખુશ્બૂ પવન-પવનમાં, એક છે ઉપવન સહિયારું.
ભૂમિ અલગ-અલગ હો તો પણ માથે તો એક જ આકાશ,
તન છો જોજન દૂર વસ્યા પણ ભીતર છે મન સહિયારું.
હાથ હાથમાં, શ્વાસ શ્વાસમાં, સૂરમાં સૂર મળે સૌનો,
મૃત્યુ મરવા ચાહે, એવું જીવીએ જીવન સહિયારું.
* * *
‘સહિયારું સર્જન’ બ્લોગ પર રચાયેલું પ્રથમ સહિયારું ગીત…
છંદવિધાન: ગાગાગાગા ગાગાગાગા ગાગાગાગા ગાગાગા
*
vaah!
khuba ja sundar!
dareke darek paNkti sundar sundar
With Kind permission I am putting this on my web page..
http://www.vijayshah.wordpress.com
વર્ષગાંઠને દિવસે આ બ્લોગના શિર્ષકને સાર્થક કરતી આ રચના….
ખૂબ ખૂબ અભિનંદન બેના….
અને ઉત્તરોત્તર પ્રગતિ માટે હાર્દિક શુભેચ્છાઓ….
haardik shubhechhao.
gopal
EK BAGNA CHHOD ALAG ALAG——
sunder pankti
hardik shubhechha!
બહુ જ સરસ અને બળુકી રચના. રચના અને તેનો ભાવ બહુ જ ગમ્યાં.
વાંચીને આ “કરીએ સર્જન સહિયારું ”
થયું આજે આનંદ વિભોર મન મારું.
વર્ષગાંઠને દિવસે ખૂબ ખૂબ અભિનંદન.
હાથ હાથમાં, શ્વાસ શ્વાસમાં, સૂરમાં સૂર મળે સૌનો,
મૃત્યુ મરવા ચાહે, એવું જીવીએ જીવન સહિયારું.
BEST OF LUCK AND BEST TO COME.
RAJENDRA TRIVEDI, M.D.
પ્રેમ
નથી પ્રેમ સમ અમૃત આ ધરાએ,
જ્યાં વરસે, ઝૂમે થઈ પુષ્પ,અર્પે પ્રભુ પ્રસાદી
શબ્દ દ્વારા પ્રેમને શું સમજાવી એ કે માપીએ
હૃદય જાણેછે પ્રેમ અને જગત રમતું પ્રેમથી
નેહ નેડો પ્રણય-પ્રીતિ,કેમ પારખી એ પ્રેમને
હેતે જગત જીતીએ, પામીએ આત્માના સૌંદર્યને
માવતર એજ પ્રેમની મૂર્તિ કહું વાત વ્યોમથી ઊંચી
બલિદાન એ પ્રેમની રીતિ,જેમ દીપકમાં જલતી જ્યોતી
રાધા એ જાણી, મીરાં એ માણી,શીતલ દાહક પ્રીતની રીતિ
વિરહ-મિલન,હર્ષ-વ્યથાથી કથા જાણજો હેતની નીતિ
રમેશ પટેલ(આકાશદીપ)
હરિતો ઉપર બેસી હસતા
પંથ પીંજરે પૂરી પરમેશ્વર
સરોવરને કેમ સમજો સમંદર,
ભગતજી નીજ સુખમાં કેમ હરિ સુખ જોતા
હરિતો ઉપર બેસી હસતા
ધર્મ ધવ્જાની દઈ દુહાઈ
સંસારે છેડો રોજ લડાઈ
ભગતજી, પ્રભુ શરણમાં કેમ ન રમતા?
હરિતો ઉપર બેસી હસતા
શણગારો મૂર્તિ ,ભૂલી નીજ ત્રૃટી
લોભ લાલચની સદાય ઝીલી વૃષ્ટિ
ભગતજી ,એકલ પંડે રોજ પ્રસાદો જમતા
હરિતો ઉપર બેસી હસતા
સંગીત નાદે ઝૂમતાં તનડાં
રમે કપટમાં નિશદિન મનડાં
ભગતજી, કેમ ભૂલ્યા શબરીની સરળતા?
વગડે દોડી રામજી કેવા મળતા
માનવ મનનો મહેલ અટપટો
હરિ નામે રોજ હાટડીઓ ખોલો
ભગતજી, કપટ ક્લેશમાં કેમ રમતા?
હરિતો ઉપર બેસી હસતા
પ્રભુ તમેતો અનંત શક્તિના સરવાળા
નજાણ્યું કેટલા બ્ર્હમાંડના રચનારા?
આવો હરિ, આજ સાથે બેસી હસીએ
બ્ર્હમ પરબ્ર્હમના અતૂટ બંધને રમીએ
રમેશ પટેલ(આકાશદીપ)