સહિયારું સર્જન – પદ્ય

આ વિષય ઉપર હજી પણ બીજા મિત્રોએ રચના લખવી હોય તો નીચે કોમેંટમાં લખી શકે છે!

આગળની પોસ્ટ:  ‘સમય’ ઉપર મુકતપંચિકા બનાવીએ.

* * * 

કાળગર્તમાં
સમયતરુ
પર પળ-કૂંપળ
ખીલે! રે! ખરે!
જીવન વહે!

(હરીશભાઇ દવે)

* * *

સમય સંગે
રહે તેનો જ
સમય બદલાય
સમય સામે
તે ખરડાય

-

કાબે અર્જુન
લુંટીયો,ભલે
ગાંડીવ હાથમાંને
કૃષ્ણ સખાનો
સમય સાથ

(વિજય શાહ)

* * *

ભૂત, ભવિષ્ય,
વર્તમાનનાં
સુંદર વાઘાં પે’રી,
સદા અહીં જ
રમે સમય!

-

વિરહ-ક્ષણ,
મિલન-ક્ષણ,
સમયની કેટલી
ક્ષણો! ને મારી
એકેય નહિં?!

-

શું સમેટું હું?
વેરવિખેર
પળોની મીઠી યાદ?
કે યાદની એ
મધુર પળો?

(ઊર્મિસાગર)

* * *

સમય સાથે
ચાલશો સહુ
વેડફો જો સમય
અવળા પડે
જીવન પાસા

-

સમય સદા
ફરતો રહ્યો
રેતી જેમ સરતો
નખરા ઝાઝા
નાંખે ભ્રમમાં

(નીલમ દોશી)

* * *

ભ્રમણ તો છે
સમય તણું
કામ, જોને સરતો
સરરરર
રેતીની સમ

(નીલા કડકીયા)

* * *

સમય નથી
કામ છે બહુ
સમય મળ્યો હવે?
ઉપર ગયા
પાછા જવું છે !

-

સમય બલી
ન નર કદી
લુંટ્યો ભીલે અર્જુન
તે જ ગાંડીવ
તે જ બાણ

જાણીતા સુભાષિત પરથી…
પણ તેનાથી સાવ જ વિરુધ્ધ વિચાર !

-

બની આઝાદ
સમાથી પર
ખયાલ બદલે તું
આધીન કર
સમયને તું

રજની પાલનપુરીની રચના પરથી…

(સુરેશ જાની)

* * *

સથવારો ક્યાં ?
હમણાં હતી
જતી રહી કદાચ
ભૂતકાળ ના
સમય સાથે !

(ભાવિન ગોહેલ)

* * *

ઘડીયાળના
રણકારમાં
દોડતો સમય તું
જરાક થોભ
હું રહી ગઇ.

(જિજ્ઞાસા જાની)

* * *