દેશભક્તિ અને શહીદી January 26, 2007
Posted by ઊર્મિ in સર્જનક્રિયા.20 comments
ગણતંત્ર દિવસની સૌ મિત્રોને ખુબ ખુબ શુભેચ્છાઓ!
આ અઠવાડિયામાં બે મહત્વનાં દિવસો…
26 જાન્યુ. એટલે કે આજે ભારતનો ગણતંત્ર દિવસ અને 30 જાન્યુ. એ ગાંધીબાપુનો નિર્વાણદિન!
તો પછી આપણે પણ આ અઠવાડિયાનો વિષય કંઇક આવો જ રાખીએ તો??
આ અઠવાડિયે આપણે દેશભક્તિ અને શહીદી વિશે કંઇક લખીએ!
આમ તો શહીદી અને દેશભક્તિ વિશેનાં ગીતો આપણે હિન્દીમાં જ વધુ સાંભળીએ છીએ… અને દરેક ગીત લગભગ દરેક ભારતીયની આંખ ભીની કરી જતું હોય છે… પણ આપણે તો અહીં ગુજરાતીમાં જ લખવાનું છે હોં!!!
કવિ શ્રી ઝવેરચંદ મેઘાણીની ‘છેલ્લી પ્રાર્થના’ કવિતાની પંક્તિ…
નથી જાણ્યું અમારે પંથ શી આફત ખડી છે,
ખબર છે આટલી કે માતની હાકલ પડી છે !
(આખી રચના વાંચો ઊર્મિનો સાગર પર…)
એમની જ બીજી એક કવિતા ‘લાડકવાયો’ ની એક ઝલક….
રક્ત ટપકતી સો સો ઝોળી સમરાંગણથી આવે,
કેસરવરણી સમરસેવિકા કોમલ સેજ બિછાવે;
ઘાયલ મરતાં મરતાં રે! માતની આઝાદી ગાવે.
આખી કવિતા માણો… ‘કવિલોક’ પર…
તો ચાલો, આજે આપણે આપણાં કાવ્યસર્જનોમાં થોડાં દેશભકિત, શહીદી અને ત્રિરંગાના રંગો મેળવીએ…
(Oct 19, ‘06…. રાજઘાટ, દિલ્હી)
*
દેશ અને દેશની આઝાદીને ખાતર કુરબાન થનારા સર્વે વીરો-શહીદોને કોટિ કોટિ નમન!
* * *
કેમ છો?! January 21, 2007
Posted by સુરેશ in સર્જનક્રિયા.28 comments
ગુજરાતી ભાષાનુ બે જ શબ્દોનું બનેલું, પણ કદાચ સૌથી વધારે વપરાતું વાક્ય કયું?
એમ કોઇ પૂછે, તો બેધડક આપણે કહી દઇએ કે, “કેમ છો?”!!
આજે આ વાક્યને આવરી લેતી કાવ્ય રચનાઓ શોધીએ… અને ન જડે તો જાતે બનાવી દઇએ ! ગઝલ, ગીત, મુકતક, મુક્તપંચિકા, હાઇકૂ કે ચાંદરણા કોઇ પણ પ્રકાર હશે તો ચાલશે, પણ તેમાં ‘કેમ છો?’ હોવું જોઇએ.
બરકત વિરાણી ‘ બેફામ’ ના એક શેરથી શરૂઆત કરીશું…
કોણ જાણે હતી કેવી વર્ષો જૂની,
જિંદગીમાં અસર એક તન્હાઇની,
કોઇએ જ્યાં અમસ્તુ પૂછ્યુ : ‘કેમ છો?’
એને આખી કહાણી સુણાવી દીધી.
‘થાય સરખામણી તો ઉતરતા છીએ…’
આ આખી ગઝલ ટહુકા પર વાંચો અને સાંભળો !
તો મિત્રો, ચાલો શરૂ કરો…
* * *
સંકલિત: રાઝ-તઝમીન-1 :- ‘ને મોત અટ્ટહાસ્ય કરે છે શહેરમાં’ January 19, 2007
Posted by સુરેશ in તઝમીન, સંકલિત.3 comments
મિત્રો, 21 ડીસેમ્બરનાં રોજ અમે સૌને જનાબ ‘રાઝ’ નવસારવીનાં નીચેના શેર પરથી તઝમીન બનાવવા માટેનું નિમંત્રણ આપ્યું હતું !
રણમાં રૂદન સમાન દશા જિંદગીની છે,
ને મોત અટ્ટહાસ્ય કરે છે શહેરમાં.
સર્જનક્રિયાની આગળની પોસ્ટ: ‘તઝમીન’ બનાવો
અમને જણાવતાં અત્યંત આનંદ થાય છે કે, સૌના લાડીલા, માનીતા અને જાણીતા શ્રી આદિલ મન્સુરીએ અમારા ઈજનને માન આપી નીચેની તઝમીન મોકલી છે :-
હર શ્વાસમાં અહીં તો વ્યથા જિંદગીની છે,
બળબળતી લૂની જેમ હવા જિંદગીની છે,
ડૂસકાંનું બીજું નામ કથા જિંદગીની છે,
રણમાં રૂદન સમાન દશા જિંદગીની છે,
ને મોત અટ્ટહાસ્ય કરે છે શહેરમાં!
આદિલજી નો ખૂબ ખૂબ આભાર … (more…)
ચાલો, આપણે ય કાવ્યોનાં પતંગો ચગાવીએ ! January 15, 2007
Posted by ઊર્મિ in સર્જનક્રિયા.16 comments
મિત્રો, આપ સૌને મકરસંક્રાતિની શુભેચ્છાઓ…
આમ તો હવે ઉત્તરાયણ પતી ગઇ છે અને ખાતરી છે કે દેશવાસીઓએ એને ધમાકેધાર ઉજવી હશે!
પરંતુ આપણે અહીં, વાસી તો વાસી, થોડી ઉત્તરાયણ ઉજવી લઇએ…
એના માટે આ અઠવાડિયાનો આપણી સર્જનક્રિયાનો વિષય રાખ્યો છે: ‘પતંગ’
શ્રી રમેશ પટેલ પતંગ અને દોરીની ઉપમા આપી લખે છે…
સખી રે મારી તું તો પતંગ ને હું દોર,
કાપી ના કાપે એવી જોડ…
આખી રચના વાંચો… ઊર્મિનો સાગર પર…
પતંગ વિશેની આપ કોઇ પણ જાતની કાવ્ય-રચનાઓ લખી શકો છો…
તો ચાલો, આપણે ય કાવ્યોનાં થોડા પતંગો ચગાવીએ!!
સંકલિત: લયસ્તરોને બીજા જન્મદિવસની શુભેચ્છાઓ! January 15, 2007
Posted by ઊર્મિ in મુક્તકો, મુક્તપંચિકા, લધુકાવ્યો, સંકલિત.1 comment so far
આ વિષય ઉપર હજી પણ બીજા મિત્રોએ રચના લખવી હોય તો નીચે કોમેંટમાં લખી શકે છે!
સર્જનક્રિયાની આગળની પોસ્ટ: ત્રણ શબ્દો: લય, સ્તર/સ્તરો અથવા લયસ્તરો
લયસ્તરોને બીજા જન્મદિવસ પર પાઠવેલી કાવ્યાત્મક-શુભેચ્છાઓ…
*
* * * (more…)
સંકલિત: ‘એક છોકરી’ January 13, 2007
Posted by ઊર્મિ in કાવ્યો, મુક્તકો, લધુકાવ્યો, સંકલિત.3 comments
સંકલિત: ‘મારી ભીતર’ January 13, 2007
Posted by ઊર્મિ in ગઝલો, મુક્તકો, લધુકાવ્યો, સંકલિત, હાઇકુ.5 comments
આ વિષય ઉપર હજી પણ બીજા મિત્રોએ રચના લખવી હોય તો નીચે કોમેંટમાં લખી શકે છે!
સર્જનક્રિયાની આગળની પોસ્ટ: ‘મારી ભીતર’
* * * (more…)
સંકલિત: ‘કહેવાય નહીં’ January 12, 2007
Posted by ઊર્મિ in કાવ્યો, ગઝલો, પંક્તિ/શેર, લધુકાવ્યો, સંકલિત, હઝલ.6 comments
આ વિષય ઉપર હજી પણ બીજા મિત્રોએ રચના લખવી હોય તો નીચે કોમેંટમાં લખી શકે છે!
સર્જનક્રિયાની આગળની પોસ્ટ: ‘કહેવાય નહીં’
સંકલિત: ‘પાનખર’ January 10, 2007
Posted by ઊર્મિ in ગઝલો, પંક્તિ/શેર, મુક્તકો, લધુકાવ્યો, સંકલિત, સૉનેટ.4 comments
સંકલિત: ‘દિવાળી’ January 10, 2007
Posted by ઊર્મિ in કાવ્યો, ગીત, પંક્તિ/શેર, મુક્તપંચિકા, સંકલિત.4 comments
આ વિષય ઉપર હજી પણ બીજા મિત્રોએ રચના લખવી હોય તો નીચે કોમેંટમાં લખી શકે છે!
સર્જનક્રિયાની આગળની પોસ્ટ: ચાલો ‘દિવાળી’ મનાવીએ…
